March 1
-Maari kang mapatawad at mabigyan ng ikalawa o ikatlong pagkakataon pero asahan mo hindi na nito kayang pantayan ang naunang pagtitiwala...
March 4
-Minsan, akala natin nakikinig sa mga hinaing mo ang ilang kaibigan pero madalas ‘di natin alam binibigyan na pala natin sila ng pagkakataon para tayo’y kanilang mahusgahan.
-Naisip ko lang si Maya Dela Rosa, pwede ng Patron Saint ng mga yaya.
-Hindi kayang supilin ng kadiliman ang kadiliman, liwanag lang ang may kakayahan nito.
Hindi kayang magapi ng galit ang isa pang galit, tanging pag-ibig lang ang katumbas nito.
March 5:
-We are all God’s creation don’t act like you are a god!
Respects beget respect and educate yourself with humility not humiliation.
‘Coz the embarrassment after the arrogance is the biggest humiliation a person can experience.
Sana maisip natin ‘yan…
-Life goes on no matter what; pero malaki ang naging epekto ng kahapon sa kasalukuyan nating buhay. Maari tayong magbigay ng kapatawaran pero hindi mo kailanman malilimot ang sugat at sakit na hinatid ng nakaraan. Minsang sasagi sa isip mo ang alaala ng malungkot na kahapon at bigla ka na lang isasadlak nito ng walang pasintabi.
-Kahit pinakamalupit na astig naigugupo rin ng suliranin at ng ilang alalahanin; lahat naman tayo may problema, iba-iba lang ang paraan ng pagresolba natin. Ang mahalaga; ang pag-ahon sa bawat paglubog, ang pagbangon sa bawat pagdapa at ang paggising sa bawat umaga. Matutong lumaban at 'wag magpasindak sa multo ng isang kahapon.
March 7
-Breakfast, Office, Coffee, Email, FB, Worksheet, FB, Worksheet
Lunch, Eat Bulaga, Nap
Email, FB, Worksheet, Snack, FB, Worksheet, Coffee, Worksheet, FB, Email
Repeat until fade…Bukas tanggalin ko na ung worksheet para maiba naman.
-Sa likod ng bawat paglubog ng buwan ay ang pagsikat ng araw na puno ng pag-asa.
Kahit minsan ay may bahid ng lungkot ang ating pag-ngiti, mapapawi din ito kahit unti-unti.
Hindi man palaging magpakita ang bahag-hari pagkatapos ng bagyo, hihinto at hihinto din ito at sisilip sa wakas ang masayang araw na kasama mo.
-Dapat bang palayain kung bilanggo ng Pag-ibig?
Dapat bang sagipin kung nalulunod sa pagmamahal?
March 8
-Dear Ms. Arlene,
Maari tayong mabuhay ng walang pag-ibig pero hindi natin kayang mabuhay ng walang tubig.
Magbayad ka na ng water bill may disconnection notice na po kayo.
Naniningil,
Asian Land Strategies
March 12
-Madali lang namang magsabi ng babay, ang hindi madali ay 'yung mamiss mo yung presence ng taong pagpapaalaman mo.
March 14
-Ba't maraming nagkokomento sa isang picture ng "ang ganda, ganda mo naman" tapos 'pag titingnan mo hindi naman pala maganda. Hindi ko na tuloy alam kung ano ang depinisyon ng maganda.
-Sa dami nang nakasauot ng varsity jacket, pwede ng magkaroon ng Festival para dito.
March 15
-Kapag espesyal sa’yo ang iyong kausap at kasama, kahit pinakawalang kwentang paksa ang pinag-uusapan niyo nagiging interesting at mahalaga.
March 18
-Hindi porke’t gusto natin dapat na nating makuha, may mga bagay kasing hindi nararapat na mapasa-atin dahil magdudulot ito ng komplikadong resulta kung ating pipilitin.
-Ayoko talaga ng mga matatamis na pagkain, ang gusto ko lang na matamis 'yung pagmamahalan.
March 19
-Just the thought of being separated from the people that you've been with for the longest time, nakakalungkot na agad 'yun.
March 20
-Gusto ko pa naman dati si Heart ngayon ayoko na, sigurado aapihin din ako ng magulang nun. sayang mukhang bagay pa naman kami.
-Hangga't hindi mo nakikita ang pangalan mo sa Obituary 'wag ka mawawalan ng pag-asa.
March 21
-Hangga't kaya mo, 'wag mong gawing priority ang mga taong second option ka lang para sa kanila 'pag patuloy mong ginagawa ito pinapayagan mong maging katawa-tawa ang sarili mo sa paningin ng iba.
-Huwag masyadong mayabang kung sino ka at ano ang iyong napagtagumpayan dahil pagkatapos ng laro na kung tawagin natin ay "buhay", lahat tayo ay ilalagay lang naman sa isang parisukat na kahon.
-Ang nakakapangamba sa salitang "Hi!" ay ang posibilidad na "goodbye" sa panahong hindi mo inaasahan.
March 22
-Ang totoong tao ay hindi perpekto, ang perpektong tao ay hindi totoo; kaya 'wag ka maghanap ng kung ano-ano para lang ma-satisfy lahat ng kagustuhan mo.
-Sobrang naiinip ako, ito na yata ang tinatawag na FOREVER.
March 23
-Once upon a time, there was a husband and wife having a no non-sense conversation...
Limarx: Bakit mo ba ako mahal?
Arlene: Mahal kita kasi may kotse ka, eh ikaw ba't mo ko mahal?!?
Limarx: Mahal kita kasi may gas allowance ka!
(In unison) Limarx & Arlene: Ah!
And they live happily ever after...
-Hindi madali ang mabuhay sa mundong puno ng rules, regulations at mga mechanics na produkto lang ng imahinasyon; ang dami nang bawal sa mundo at kung pipigilan pa natin ang ating mga sarili sa mga bagay na gusto nating gawin (pero hindi naman ipinagbabawal) dahil natatakot tayo sa sasabihin ng mga taong mapanghusga katumbas nito ang pagpigil sa sarili nating kasiyahan.
-Kung bakit ang tao ay hinuhusgahan ayon sa kanyang panglabas na nakikita o base sa madilim na nakaraan (na walang sapat na batayan) ay hindi na yata maiiwasan pero sana, sana lang…sa tuwing magbibitaw tayo ng masasamang salita sa ating kapwa; isipin at itanong muna natin sa ating isip kung may buti bang idudulot ito sa ating sarili.
March 27
-Kung gusto mong makakita ng magandang rainbow... dapat may kaunting ulan.
Kung gusto mo ng makaranas ng masarap na pagmamahal...dapat may kaunting sakit.
Ganun talaga, para ma-appreciate mo ang mga bagay-bagay dapat mayroon ka ding sakripisyo. :)
* * *
Ang post na ito ay parang Shake, Rattle & Roll na movie lang hindi natatapos puro sequel lang, kaya abangan ang mga karugtong sa susunod na tatlong buwan.
Ang cool nitong ganitong blogpost. :)
ReplyDeleteeto favorite ko sir:
"Hindi kayang supilin ng kadiliman ang kadiliman, liwanag lang ang may kakayahan nito.
Hindi kayang magapi ng galit ang isa pang galit, tanging pag-ibig lang ang katumbas nito."